ఢిల్లీ బ్లాస్ట్.. అమిత్‌ షా హైలెవల్‌ మీటింగ్‌

దిశ, డైనమిక్ బ్యూరో: దేశ రాజధాని ఢిల్లీలో నిన్న సాయంత్రం జరిగిన భారీ పేలుడు (Delhi blast) తీవ్ర కలకలం రేపుతోంది. ఈ ఘటన నేపథ్యంలో కేంద్ర హోంశాఖ మంత్రి అమిత్ షా (Amit Shah) ఉన్నతస్థాయి భద్రతా సమావేశం నిర్వహించారు. మంగళవారం ఉదయం అమిత్ షా నివాసంలో జరుగుతున్న ఈ హై సెక్యూరిటీ రివ్యూ (High-level security meeting) మీటింగ్‍కు కేంద్ర హోంశాఖ కార్యదర్శి గోవింద్ మోహన్, ఇంటెలిజెన్స్ బ్యూరో డైరెక్టర్, నేషనల్ ఇన్వెస్టిగేషన్ ఏజెన్సీ డైరెక్టర్ జనరల్, ఢిల్లీ పోలీస్ కమిషనర్ ఈ సమావేశంలో పాల్గొన్నారు. జమ్ముకశ్మీర్ డైరెక్టర్ జనరల్ ఆఫ్ పోలీస్ నళిన్ ప్రభాత్ వర్చువల్‍గా హాజరయ్యారు. జమ్ము కశ్మీర్ లో ఉగ్రవాదుల కుట్ర భగ్నం, ఢిల్లీలో పేలుడు ఘటనపై ఈ సమావేశంలో చర్చిస్తున్నారు. ఈ పేలుడు వెనుక కారణాలేమిటి? అనే విషయాలను అమిత్‍షా అధికారులను అరా తీస్తున్నారు. ఢిల్లీతో సహా దేశవ్యాప్తంగా ఉన్న తాజా పరిస్థితిపై అధికారులను అమిత్ షా అడిగి తెలుసుకుంటున్నారు.

Read More... ఢిల్లీ బాంబ్ బ్లాస్ట్ ఎఫెక్ట్.. ఎర్రకోట మెట్రో స్టేషన్‌ షట్‌డౌన్